شبكة ومنتديات شباب مودرن

متابعه يوميه .موباريات كاس العالم فن سياسه حوادث اقتصاد ، العاب برامج واشئ اخر
 
شات شباب مودرن  الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 ،،اقــوال تخــالف الــعقــيــده, رقـــم 2،،

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
Admin
avatar

عدد المساهمات : 194
تاريخ التسجيل : 17/08/2012
العمر : 26
الموقع : modrn.hooxs.com

مُساهمةموضوع: ،،اقــوال تخــالف الــعقــيــده, رقـــم 2،،   السبت مارس 09, 2013 8:16 pm










بسم الله الرحمن الرحيم
والحمد لله رب العلمين والصلاه والسلام على سيد الاولين والاخرين ، محمد وعلى اله وصحبه اجمعين وبعد
ما يلفظ من قول الا لديه رقيب عتيد
النهارده ان شاء الله يا اخواتى
هنكمل الكلام عن الاقوال اللى بتخالف عقيدتنا ، واللى يمكن كثيييير مننا
بيقع فيها ومش واخد لباله ،

قال الله عز وجل ـ ما يلفظ من قول الا لديه رقيب عتيد
فكم من الكلمات اللى بيتكلم بيها
رجال ونساء ولا يلقون لها بالا ، الكلمات دى ممكن تحمل من الغضب ما
الله به عليم ، هذه الكلمات بها مخالفات واضحه للعقيده ، لذلك احنا يا
اخواتى عاوزين نضبط السنتنا لاننا هنتحاسب غدا على كل كلمه هنقولها
ونتكلمها ،، ما يلفظ من قول الا لديه رقيب عتيد

فناخذ بالنا يا اخواتى كويس من كل كلمه بنقولها ونحط فى بالنا انها هتتسجل علينا ،،،،،،،،،
تعالوا نشوف امثله من الاقوال والكلمات الخاطئه التى يقع فيها الكثييير ااوى من الناس ــــــــــــ

1- مثلا اتنين عمال يتخانقوا مع
بعض ، فواحد يجى يخلصهم فواحد يقوله استنى انت رايح فين ـ خليهم يا رب
يموتوا بعض احنا مالنا ، هو انت مسمعتش المثل اللى بيقول ، ما ينوب
المخلص الا تقطيع هدومه ـــــ

يـــــــــاااه ، عارفين يا اخواتى ده مثل شيطانى
بيدعو الناس لترك الامر بالمعروف والنهى عن المنكر ، ويدعو لترك اصلاح
ذات البين ، اللى هو الصلح بين الناس ، اللى بيقول المثل ده بيسند على
مثل شيطانى بيهدم فريضه الامر بالمعروف والنهى عن المنكر ،

ده ربنا عز وجل امرنا بالاصلاح بين الناس ، فقال ، واصلحوا بين اخويكم
والنبى صلى الله عليه وسلم قال ،،، الا اخبركم بافضل
من درجه الصيام والقيام والصدقه ؟؟ قالوا بللى يا رسول الله ، قال
اصلاح ذات البين ، فان فساد ذات البين فهى الحالقه ، لا اقول حالقه الشعر
بل حالقه الدين

يـــــــاااااااه ، النبى بيقول للصحابه اقولكم على
عمل افضل من الصيام والصدقه ؟؟ واحنا عارفين فضل الصيام والصدقه ايه ؟؟
فالصحابه قالوا نعم يا رسول الله ، قال العمل الا فضل من الصيام
والصدقه ، هو اصلاح ذات البين ، يعنى الاصلاح بين الناس ،،

ده انت يا اخى لو اصلحت بين اتنين متخاصمين كانك تصدقت
والدليل من حديث النبى صلى الله عليه وسلم ، قال ابو هريره قال النبى صلى الله عليه وسلم

كل سلامى من الناس عليه صدقة ، كل يوم تطلع فيه الشمس تعدل بين الاثنين صدقة ،وتعين الرجل في دابته فتحمله عليها ، أو ترفع له عليها متاعه صدقه ،والكلمة الطيبة صدقة ، وبكل خطوة تمشيها إلى الصلاة صدقة ، وتميط الأذى عنالطريق صدقة
والسلامى يعنى المفاصل والعظام ، فانت اول ما تصلح بين اتنين متخاصمين كانك تصدقت على مفاصلك التى فى جسدك
يعنى يا اخواتى جميل لو حد فينا لقى اتنين متخاصمين او بيتخانقوا ، جميل لو صلحناهم على بعض ،، او قربناهم من بعض تانى
ده ربنا عز وجل قال ،، لا خير فى كثير من نجواهم ،اى كلامهم ، الا من امر بصدقه او معروف او اصلاح بين الناس

وقال ،، الصلح خير وقال الله ايضا فاتقوا الله واصلحوا ذات بينكم
ومش كده وبس يا اخواتى ، ده النبى صلى الله عليه وسلم رخص الكذب واباحه فى الاصلاح بين الناس
تعالوا نشوف الدليل ،،
وعن أم كلثوم بنت عقبة بن أبي معيط رضي الله عنها قالت سمعت رسول الله صلى الله عليه وسلم يقول (( ليس الكذاب الذي يصلح بين الناس فينمي خيراً ، أو يقول خيراً ،’ متفق عليه

وفي رواية مسلم زيادة ، قالت(( ولم أسمعه يرخص في شيء مما يقوله الناس إلا في ثلاث : تعني : الحرب ، والإصلاح بين الناس ، وحديث الرجل امرأته ، وحديث المرأة زوجها

وده يا اخواتى ان دل فانه يدل على
اهميه الاصلاح بين الناس ،، يبقى يا اخواتى اوعوا نقول المثل ده تانى
الى هو ، لا ينوب المخلص الا تقطيع هدومه


2- من الكلام الخطا اللى بيقع فيها كثير من الناس ــــــــــ
فى ناس تقول ، الباب المردود يرد القضاء المستعجل ،، بنسمع الكلام ده ولا لا ؟؟؟؟؟؟؟؟؟؟؟
كثييييير من الناس بتقوله ، طيب ايه رئيكم فى الكلام ده ؟؟؟؟؟؟؟؟؟؟؟؟؟؟؟
الكلام ده يا اخواتى غلط ، لان
امر ربنا نافذ وقضاءه لا يرد ، لا يرد امر الله ملك مقرب ولا جنى مارد
ولا انسان عات ، لو اجتمعت الا مه بانسها وجنها على ان ينفعوك بشى لم
يكتبه الله لك فلن ينفعوك ،،،،

يا اخى لو اجتمعت الملائكه كلها
والانس والجن وانت قفلت ملايين الابواب ده مش هيرد قضاء الله ، لان قدر
الله نافذ ، اذا ار اد الله شيئا فانه يقول له كن فيكون ، قضاء لا يرد
ولا يمنع حذر من قدر

قال الله عز وجل ،، واذا اراد الله بقوم سؤء فلا مرد له وما له من دونه من وال
لا باب مردود ولا انسى ولا جنى يقدر يعمل حاجه الانسان ــ والعاقل ياخذ بالاسباب ويتوكل على الله
انت توكل على الله ، فان حدث لك
ما ترجو فانسب الفضل لله ، وان حدث لك مالا ترجو ، فقل قدر الله وما شاء
فعل ، مش نقول الباب المردود يرد القضاء المسعجل لالالالالالا اوعوا
نقول كده تانى


3- مثلا واحد حصلتله حاجه
وحشه ، وقع فى مشكله او مصيبه ، فواحد يروح يزوره ويقوله شد حيلك ، ربنا
يقويك ، فيرد عليه ويقوله ، الحمد لله الذى لا يحمد على مكروه سواه


الجمله دى غلط يا جماعه ملهاش
اصل عندنا مينفعش نقولها اول ما نقع فى مشكله او مصيبه ،، يا جماعه كل
شى من عند ربنا خير حتى لو كنت حضرتك شايفه شر ، اقرا قول الله عز وجل
،كتب عليكم القتال وهو كره لكم وعسى ان تكرهوا شيئا وهو خير لكم وعسى ان
تحبوا شيئا وهو شر لكم والله يعلم وانتم لا تعلمون

ده النبى يا جماعه كان بيدعى ويقول ، والخير كله بيديك والشر ليس اليك

ربنا قال فى القرءان ، قل
اللهم مالك الملك تؤتى الملك من تشاء وتنزع الملك ممن تشاء وتعز من تشاء
وتذل من تشاء بيدك الخير ،، بالرغم انه فى الايه نزع الملك وذل ، فكل شى
من عند ربنا يا اخواتى خير

طيب حد وقع فى مشكله او مصيبه يقول ايه ؟؟؟؟؟؟؟؟؟؟؟؟؟؟؟؟؟
يقول اللهم اجرنى فى مصيبتى واخلفنى خير منها

4- واحد مثلا يقول قدام حد انه حافظ القرءان كله او عنده كذا وكذا فتروح زوجته تقول للحد ده خمسه وخميسه وتعملها بايدها فى وشه ، هى بتعمل كده علشان ميتحسدش ،، يعنى لدفع الحسد عنه ،،،
ده يا اخواتى خطا وكثييير مننا
بيقع فيه ،، ده النبى صلى الله عليه وسلم والقرءان علمك انك لو شفت اخوك
المسلم فى نعمه تقول ما شاء الله لا قوه الا بالله ،،، فى ناس طيبين
على الفطره لما تشوف حاجه حلوه او خير كثييير عند حد تقول ، اللهم
صلى على النبى ، او يا صلاه النبى احسن

ايوه جميله الصلاه على النبى ،،
بس مينفعشى نقول اللهم صلى على النبى لما نشوف خير كثير عند حد ،
لانه لكل مقام مقال ، انت لما تيجى تصلى الظهر او العصر ، ينفع تقول
،، الله اكبر كبيرا والحمد لله كثيرا ؟؟؟؟؟؟

اهو ده ذكر جميل ولكن مينفعش نقوله فى الصلاه ، فكل حاجه ليها ذكر معين ــــــ
احنا لما نشوف حد فى نعمه نقوله ،، ما شاء الله لا قوه الا بالله

5- من الاقوال الخاطئه اللى بيرددها كثييير من الناس ، قولهم اتق شر من احسنت اليه
الكلمه ده يا جماعه بتزرع سؤء الظن بالناس ،، لانه مش كل واحد احسنا اليه يسئ الينا ،،
ممكن واحد يروح يساعد واحد فاول
ما يشوف المثل ده ، يتراجع ويتمرد ويقول انا مش هحسن اليه لحسن فى
الاخر يسئ اليا ،،،،،لالالالالالالالالالالالالالالالا، مينفعشى كلمه اتق
شر من احسنت اليه

الكلام ده خطا لان ربنا قال ، ان الله يامر بالعدل والاحسن وايتاء ذى القربى

وبعدين يا اخى احنا نعمل الخير فى اهله يعنى فى اللى يستحقه ، وبردوا نعمل الخير فى غير اهله ، حتى لو ميستحقهوش

6- بر دوا من الاقوال اللى
بتحالف العقيده العقيده واللى يرددها ويقع فيها كثير من الناس
،،، اتنين مثلا عمال يتخانقوا مع بعض

فالتانى يقوله ،، وبعدين متخلنيش اكفر واطلع من دينى ،،،،، دى يا
اخواتى سفاهه ، علشان حاجه هايفه متستحقش يغضب وعاوز يطلع من دينه

ده الصحابه يا اخواتى كانوا
بيتقطعوا ويتعذبوا اشد العذاب وفى منهم اللى بيموت من التعذيب ،
علشان يقولوا كلمه الكفر فيرفضوا وممكن يموتوا علشان ميقولوشى كده ،،،
وانت من غير حاجه تقول هخرج من دينى ؟؟؟؟؟

يبقى مينفعش نقول تانى متخلنيش اكفر واطلع من دينى !!!

7- من الاقوال اللى بتخالف العقيده واللى بيقع فيها كثير من الناس بردوا قولهم على سبيل المدح ،،،،
مثلا واحد يقول للتانى عندك كام
ولد ، فيرد ويقوله عندى ثلاث اولاد ، افضل واحد فيهم الولد الكبير ده ولد
رجوله وادب ده اصلوا واد بن حرام ،،، ده خطااا جدااااااااااا يا اخواتى
،، لان كلمه اصلو ده ابن حرام يعتبر قذف لمؤمنه غافله محصنه ، ده لو
الشرع مطبق دلوقتى ، القاضى هيحكم عليك بثمانين جلده ،،،

لو الابن مثلا كويس ومؤدب وحد سالك عليه ،، حضرتك تقول ده ابنى زكى او ماهر او عبقرى ، بلاش كلمه اصلوا ابن حرام ،

8 – من الاقوال اللى بتخالف
العقيده واللى بيقع فيها كثير من الناس بردوا ، مثلا واحد يسال على فلان
فحد يقوله فلان نايم ، فيقول ده فلان ده مؤذى خليه مخمود نايم ده نوم
الظالم عباده يا اخى ، ده يا اخواتى كلام غير صحيح ، لو كنت حضرتك تقصد
ان الظالم هيسلم الناس من شره ، فده عادى صحيح ، ولكن مينفعشى
اوصف ده على انه عباده واقول نوم الظالم عباده ،، فالاولى اننا نقول نوم الظالم راحه من شره مش عباده


9- – من الاقوال اللى بتخالف العقيده واللى بيقع فيها كثير من الناس بردوا ،، وتعتبر سؤء ادب مع الغير
تلاقى واحد مثلا بيتكلم عن فلان فى
غيبته ، وفجاه يروح داخل فلان اللى بيتكلم عليه فيقول جبنا سيره القط
جه ينط ، يا ريتنا افتكرنا مليون جنيه ، هو قال كده على سبيل التسخط
وعدم الرضا لان فلان جه ، وهو بيتسخط على قدر الله اللى جاب فلان ،
وكمان ده يعتبر رمى للاخوان بالتناقص ، فالواجب يا اخواتى انه يسود
الاحترام ما بينا ، وبلا ش نقول تانى ،جبنا فى سيره القط جه ينط ،،


10- من الاقوال اللى بتخالف العقيده واللى بيقع فيها كثير من الناس بردوا ـــ

واحد مثلا قاعد بيتفرج فى السماء ففجاه شاف شهاب حارق
بينزل على شيطان ، فيروح من الدهشه والاعجاب يقول ،، يا دين النبى ،،
لا يا اخواتى مينفعش نقول يا دين النبى ، احنا لو شفنا حاجه عجيبه او
مدهشه ، نقول سبحان الله


اخواتى اكتفى بهذا القدر ، ومع اقوال اخرى تخالف العقيده فى المرات القادمه ان شاء الله
وصلى اللهم على محمد وعلى اله وصحبه اجمعين
والسلام عليكم ورحمه الله وبركاته
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://modrn.hooxs.com
 
،،اقــوال تخــالف الــعقــيــده, رقـــم 2،،
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة ومنتديات شباب مودرن :: القسم الاسلامي :: التوحيد والعقيده-
انتقل الى: